淺草食買玩攻略 東京晴空街道購物+美食+遊玩

淺草Skytree食買玩攻略

位於東京台東區嘅淺草係遊客們最鍾意去嘅地區之一,依到除咗有超出名嘅淺草寺、雷門、晴空塔Skytree之外,喺Skytree隔離嘅「東京晴空街道 Tokyo Solamachi」購物中心亦都非常好行,即刻睇嚇淺草有咩超正景點啦!

東京晴空街道 Tokyo Solamachi百貨店

東京晴空街道入面有成300間以上嘅店舖,餐廳、甜品、服裝等等包羅萬有,絕對滿足到大家瘋狂食買玩嘅慾望! 以下係小編嘅心水店舖,快啲抄低筆記啦~

淺草食買玩攻略 東京晴空街道購物+美食+遊玩

美食篇

#1 1F 抹茶甜品店 抹茶スイーツ処 茶和々

依間舖頭主打職人手製嘅超軟熟抹茶蕨餅,300日圓一杯,非常抵食!另外一款人氣甜品就係極級抹茶軟雪糕(500日圓)(連稅),雖然比普通抹茶軟雪糕貴100日圓,但係苦澀味就少啲,可以享受到濃鬱嘅抹茶香味,更加易入口~小編特別推介大家試「Solakara抹茶芭菲」(730日圓)(連稅),咁就可以一次過試曬抹茶蕨餅同極級抹茶軟雪糕,配埋紅豆蓉、粒粒脆米同新鮮忌薕,真係好滋味㗎~

淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩

#2 3F 甜品店 Afternoon Tea TEAROOM

香港人可能對Afternoon Tea嘅雜貨店Afternoon Tea LIVING比較熟悉,但係其實佢地嘅cafe Afternoon Tea TEAROOM都一樣好高質㗎!下午2點開始供應嘅Afternoon Tea Set(1560日圓)(連稅)可以自選三款精緻甜品,跟餐連一壺香濃紅茶~小編當日點咗士多啤梨蛋糕、紅桑子芭菲同春天限定嘅士多啤梨泡芙,其中紅桑子芭菲酸酸甜甜好醒胃,好味程度5粒星!

淺草食買玩攻略 東京晴空街道購物+美食+遊玩

#3 7F 啤酒餐廳 世界のビール博物館

依間「世界啤酒博物館」唔係真係博物館 ,而係一間主打啤酒嘅西餐廳~大家可以喺依到飲到大約200種來自世界各地嘅啤酒,真係成間博物館咁,好誇張啊!店長推介大家試飲「5種生啤比較套餐」(2894日圓)(連稅),入麵包咗德國、英國、美國、捷克同比利時嘅啤酒,有濃有淡種種唔同~小編仲點咗份安格斯薄牛扒(2,570日圓)(連稅),肉味香濃又多汁,送酒一流!

淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩

 

購物篇

#1 2F 吉卜力工作室精品店 どんぐり共和國

鍾意動畫導演宮崎駿嘅朋友們一定對吉卜力精品店「どんぐり共和國」唔陌生~東京晴空街道嘅どんぐり共和國店內有好大只龍貓公仔任影唔嬲,用嚟打卡當紀念就啱曬啦~另外依到又有唔少當店限定商品,例如龍貓手指公仔(540日圓)(連稅)等等真係好得意啊!依到最好賣嘅其中一樣雜貨就係《龍貓》同《千與千尋》主題嘅茶杯(1620日圓)(連稅),杯上除咗印有超可愛嘅插圖外,每個公仔下面仲寫曬佢地嘅日文同英文名,唔怪得之咁受外國遊客歡迎啦~而小編覺得最搞笑嘅精品就係媒炭屎鬼公仔(2808円)(稅込)啦~一搖佢就會係好似動畫入面一樣咁震,因為震得太勁嘅關係,唔捉實啲嘅話仲會「走佬」㖭!

淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩

#2 4F 迷你積木 nanoblock store

源於日本嘅超迷你積木nanoblock每一粒只有4X4X5mm大,無論係世界著名景點、動漫角色定係可愛小動物都砌得出,深受大家喜愛~Solamachi店除咗有一般嘅日本主題nanoblock,例如雷門、盆栽、納豆等等之外,仲有飯團、壽司、拉麵等等食物系列(各918日圓)(連稅)。另外場景系列(1814日圓〜)(連稅)、彷真模型系列(3780日圓〜)(連稅)亦都係人氣之選,快啲帶曬成套返屋企啦~

淺草食買玩攻略 東京晴空街道購物+美食+遊玩
淺草食買玩攻略 東京晴空街道購物+美食+遊玩

#3 1F 酒莊 はせがわ酒店

日本嘅酒除咗種類多得嚟又好飲之外,包裝亦都非常精美,就算重都想買返屋企慢慢嘆啊~依間酒莊「はせがわ酒店」出名賣的酒類豐富,店長特別推介大家試飲宮城縣出品嘅「伯樂星 純米大吟釀東條秋津山田錦」(720ml 5400日圓)(連稅),口感順滑,酒味非常香醇~店長又推介和歌山出產嘅鶴梅柚子酒(720ml 1566日圓)(連稅)畀大家,柚子味濃鬱得嚟非常清爽,無論送禮定自用都適合㗎~

淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩

#4 1F 錶行 watchelt 1492

石國商店於大正九年創業,係喺日本歷史最悠久嘅錶帶製造商,而watchelt 1492,就係石國商店旗下嘅鐘錶公司啦~店內除咗有一般G-SHOCK等等手錶出售之外,仲有同nanoblock合作嘅掛鐘、同迪士尼合作嘅米奇老鼠手錶等等得意商品~無論係咪當店嘅商品都好,如果有手錶壞咗,都可以拎嚟依到維修,服務一流!

淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩

玩樂篇

#1 5F~6F 墨田水族館

墨田水族館佔地2層,館內所有海水都係人工海水,係關東地區第一間使用全人工海水嘅水族館~館內嘅室內開放水池係全日本最大規模嘅室內開放水池,入面養咗好多企鵝,大家可以近距離地欣賞佢哋~墨田水族館仲將世界自然遺產小笠原群島嘅海洋世界重現喺館內嘅大水槽入面,睇住咁多海洋生物遊來遊去真係好治癒啊~臨走前大家記得去手信店掃貨,當中超巨型花園鰻抱枕就最吸引,而各種零食同文具都好啱用嚟做手信㗎~ 

淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩淺草食買玩攻略 東京晴空街道購物+美食+遊玩

免稅同退稅有咩分別?

東京晴空街道入面,有啲免稅店係喺店舖入面辦理退稅手續,有啲就係喺免稅櫃檯到辦理退稅手續,大家小心唔好搞錯啊~想知邊間打邊間,用QR code掃描一下「免稅手續單張」就一目了然!除此之外,大家亦可以留意店面上嘅免稅或退稅logo,咁就唔怕搞錯啦~

方形藍色label,上面寫住「TAX REFUND」嘅代表可以退稅,買完嘢之後,可以去1樓第7區嘅免稅櫃檯到辦理退稅手續。

紅色六角形label,上面寫住「TAX FREE」嘅,就代表可以喺嗰間舖頭入面直接辦理退稅手續,畀錢時記得同店員講聲「想免稅」啊!

網頁詳情:按我

淺草食買玩攻略 東京晴空街道購物+美食+遊玩

超抵 外國人專用優惠手冊

Like Japan嘅讀者們有福啦~只要去東京晴空街道1樓免稅櫃檯到出示以上依張優惠券兌換券,就可以換領一本有效期至2018年5月31日嘅優惠手冊!成個購物中心入面大約有80間舖頭有提供優惠,只要喺落單或比錢前出示手冊,就可以獲得各種各樣唔同嘅優惠,真係抵到爛啊!大家記得行街街之前去免稅櫃檯到換好優惠手冊先至出發啦~

*有關詳情及細則請參考優惠手冊上的注意事項

東京晴空街道

地址:東京都墨田區押上1-1-2

營業時間:10:00~21:00

     6F、7F 、30F、31F:11:00~23:00

(部分店鋪營業時間不同)

網頁詳情:按我

來源:www.likejapan.com


延伸閱讀